NUEVA VALENCIA, GUIMARAS– Nagreklamo ang mga pasareho sa Nueva Valencia, Guimaras bangud sa ginapahayag pagmahal sang pamasahe ,nga epekto sang Coronavirus disease 2019.
Ini matapos ginapahayag nagdoble presyo sang pamasahe sa dyip sa diin sang una yara lang ini sa P20, apang sa subong P40 na ang ginabayad sang mga pasahero,.
Sa interview sang Bombo Radyo kay Aurora Lamonte, Presidente sang Jeepney Association sang Nueva Valencia, iya ginpahayag nga pabor sa ila bilang mga operators ,kag drivers ang pagtaas sang pletehan, bangud 50% lang ang pasahero nga mahimo makasakay sa isa ka unit sang dyip.
Suno kay Lamonte, wala na napanukot sang maatas nga plete ang mga drivers, kag nakadepende nalang sa mga pasahero kun maghatag sila sang sobra.
Pahayag pa niya, wala pa sila nakakuha sang special permit gikan sa Land Transportation Franchising and Regulatory Board, rason nga wala pa sila sang opisyal nga taripa agud magpasaka sang peletehan.
Nagahingyo man sila suno sa natungdan sa pamunuan sang Local Government Unit sang Guimaras nga tugutan sila magbyahe tubtob Mayo 31, 2020 apisar wala sang special permit.
