May pila ka problema ang mga pump boat operator tuhoy sa pagsulundan sa pagbiyahe.
Sa interview sang Bombo Radyo kay Guimaras Governor Samuel Gumarin, iya gin isa-isa ang mga problema kadungan sang pagpanumbalik sang biyahe sang mga pump boat.
Una diri suno kay gumarin amo ang tuhoy sa mandu sang Maritime Industry Authority may kaangtanan sa pagbaruron sang tarapal sang pump boat samtang nagabiyahe.
Suno kay Gumarin, ginaproblemahan sang pump boat operator kun paano maprotektahan ang mga pasahero ilabi na subong nga maulanon ang tiyempo.
Ika duha suno kay Gumarin amo ang time schedule sa pagbiyahe sang pump boat umpisa 6:00 sa aga tubtub 6:00 sang kasisidmon gid lamang.
Ang ika tatlo amo nga nagahingyo ang gobernador nga dapat mas istriktuhan sang Philippine Coast Guard ang pagbantay kag ang pagpatigayon sang inspection.
