Dismayado ang pila ka mga pumuluyo sang syudad bangud sa indi pagpakabit sang mga banderitas sa pila ka bahin sang siudad para sa Dinagyang 2026.
Sa interview sang Bombo Radyo sa pila ka mga indibidwal, kalabanan sa ila ang nagsiling nga wala sila nanamian magtulog nga wala sang banderitas.
Suno kay Angel, isa ka estudyante, iya gid nga naandan nga may ara sang mga banderitas sa pagselebrar sang Dinagyang bangud nga nagapadugang ini sang kasadya kag duag sa selebrasyon.
Suno naman kay Nanay Ester, isa ka senior citizen,namag-o gid siya nga wala sang mga banderitas bangud nga halin pa sang dalaga ini, may yara gid sang mga banderitas sa halos tanan nga parte sang syudad.
