Amat-amat na nga nagapadulong ang mga pumuluyo sa pila ka mga patyo sa syudad sang Iloilo agud magbisita sa ila mga minatay.
Sa interview sang Bombo Radyo kay Eriberto Robles, residente sang San Vicente, Jaro, Iloilo City, iya ginpahayag nga timprano pa siya nagpadulong sa Jaro Catholic Cemetery agud siya nalang mismo ang magtinlo sa pantyon sang iya ginikanan.
Gin-ako sang natungdan nga kun siya lang ang papilion, indi siya kuntani pabor sa desisyon sang national government nga siraduhon ang tanan nga patyo sa pungsod umpisa Oktubre 29 tubtob Nobyembre 2.
Ini bangud open space man suno sa iya ang halos tanan nga patyo kag memorial park kag madamo man sang mga police personnel nga nagabantay agud mapatuman ang health protocols.
