Nagtanyag sang bulig ang pila ka mga nasyon kasunod sang paglaslas sang duha ka magkasunod nga bagyo sa Pilipinas sang nagligad nga semana.
Suno kay Communications Undersecretary Claire Castro, lakip sa nagpalab-ot sang bulig para sa humanitarian assistance kag disaster relief amo ang Estados Unidos sang Amerika, Japan, Timor-Leste, kag India.
Ini nga mga nasyon ang nagpadala sang sulat sa Armed Forces of the Philippines kag sa Department of National Defense.
Ang Philippine military bases nga bukas man para sa mga US soldiers paagi sa Enhanced Defense Cooperation Agreement (EDCA) ang gingamit man anay para sa disaster operations.
Nahibaluan nga pinaa-apektado ang Central Visayas sang naglaslas si Tino, samtang nagpahuway lang ang pila ka adlaw, nagsulod naman si Uwan, nahimo nga super typhoon, kag naglaslas naman sa northern kag central Luzon.
