𝗜𝗟𝗢𝗜𝗟𝗢 𝗖𝗜𝗧𝗬 — Nagpanawagan ang pila ka mga punong barangay sa Iloilo City sa mga pumuluyo nga makig-isa sa patigayunon nga city wide clean up sa Hunyo 29, 2024.
Sa interview sang Bombo Radyo kay Punong Barangay Felix Ventura sang Brgy. Sinikway, Lapuz, Iloilo City, iya ginpahayag nga masami, stagnant water ang ginapangatubang nga problema sang mga residente bangud man sa mga nagalapta nga basura.
Suno kay Ventura, ang nasambit man nga problema ang nagtulod sa iya agud nga magpatuman ang ila nga barangay sang clean up drive agud nga mabuhinan ang mga basura ilabi na nga tig-ululan na.
Ginpahayag man ini nga dako ang posibilidad nga pugaran sang mga lamok ang nagapondo nga tubig sa kanal, rason nga kinahanglan nila doblehon ang pagpanglimpyo.
Makaduha naman ke beses sa isa ka bulan nga nagapatigayon sang pagpanglimpyo ang ila nga barangay.
Nahibaluan nga sang nagligad nga duha ka semana, may duha ka mga menor-de-edad ang nagpositibo sa dengue sa ila lugar, apang sa subong, yara na sila sa maayo nga kahimtangan.
