STO. SUR AREVALO ,ILOILO CITY– Pila ka mga residente nga wala pa nakabaton sang ayuda halin sa Iloilo City Government.
Suno kay Victoriano Trespeces, wala pa siya nakabaton sang relief goods kag wala man siya sang ideya kun sa diin ginpatigayon ang repacking sang relief goods nga igahatag sa ila.
Samtang, ginpahayag man ni Barangay Kagawad Nolan Abangan nga santo sa impormasyon nga nakalab-ot sa iya, isa pa lang ka zona ang nahatagan sang relief goods.
Nagalaum si Abangan nga makabaton sang ayuda ang tanan nga residente sa ila lugar sa labing madali nga tion.
Kadungan sini, nagpangabay man ang barangay kagawad nga kun tani sundon sang mga pumuluyo ang ginapatuman nga protocol.
