Nagpataw sang bag-o nga sanctions ang nagkalain-lain nga pungsod batok sa Russia kasunod sang invasion sini sa Ukraine.
Ang European Union, Japan, Australia, New Zealand, kag Taiwan ang parehos nga nagpataw sang bag-o nga injunction sa Moscow, Russia agud nga i-kondena ang pagsugud sang gyera sa tunga nila sang Ukraine.
Ginpahayag man nga duha ka missiles ang nag-igu sa Kyiv.
Apang, wala pa nahibalu-an ang nangin target sang amu nga atake.
Suno sa Kyiv’s city government, isa sa mga missile ang nag-igu sa isa ka residential building kag ang isa ang nag-igu sa lugar nga malapit sa paluparan sang Zhuliany.
Nagdangat naman sang 100,000 ka mga tawo ang naka-cross na sang border padulong sa Poland isa ka semana ang nagligad humalin sang naglala nga tensyon sa tunga sang Ukraine kag Russia.
Suno kay Polish Deputy Interior Minister Pawel Szefernaker 90 percent sa mga refugees ang may yara na sang lugar nga tiniran sa Poland.
Suno naman kay Bombo International Correspondent Rhea Rose Ramos Taiboya, –direkta sa Ukraine, tuman ang ila kakulba kag kakibot na nagakatabo nga pagpang-atake sang Russia.
Suno sa iya, nakahanda na ang underground storage sang iya pamilya agud nga ila panaguans a tion nga malab-ot na sa ila lugar ang pangpangbomba sang Russia.
Dugang pa niya, wala pa man nagakulang sang suplay sang pagkaon sa ila lugar kag wala man ini sang na-obserbahan nga panic buying.
May yara naman suno sa natungdan sang pila ka Pinoy ang nag-cross sang border padulong sa Poland nga naghalin sa Kyiv.
Wala naman ginpahanugutan ang mga kalalakinhan nga nag-edad snag 18-60 nga mag-cross sang border amu nga apektado ang mga pinoy nga nakapangasawa sang Ukrainians.
