Nagdesisyon ang pila ka mga transport cooperative sa syudad sang Iloilo nga indi anay magbiyahe buwas nga adlaw sang Byernes Santo tubtob sa Sabado bangod sa padayon nga pagsaka sang presyo sang gatong.
Sa interview sang Bombo Radyo kay Raymundo Parcon, Chairman sang Western Visayas Transport Cooperative, iya ginpahayag nga madamo sa mga drivers ang nabudlayan bangud nga ila man gina-ekspektar nga mangin magamay lamang ang pasahero.
Ginpahayag man sini nga nagahulat sang subsidiya halin sa gobyerno ang ila nga mga myembro apang sang gin-check na nila ang ila bank account wala sa gihapon nag-abot ang ginalauman nila halin sa gobyerno nga assistance.
Bangud sini, nagnubo man ang numero sang mga nagabiyahe nga salakyan bangud nga indi man sa gihapon makabalik ang ila gasto bangud sa kamahal sang gatong.
Dugang pa sini nga naglab-ot na lamang sa 30% ang operational nga units nga nagabyahe sa ila kooperatiba, samtang ang iban nga driver ang nagdesisyon nga indi anay magbiyahe bangud sa mabudlay nga sitwasyon.
Magabalik naman ang ila nga operasyon sa Domingo Abril 5 bangud ila ginalauman nga madamo sa sang mga pasahero nga magabalik sa ila tagsa ka mga trabaho
