ILOILO CITY – Wala na ginasapak sang pila ka miyembro sang mayorya sa Kamara ang impeachment complaint nga ginpasaka ni Magdalo Rep. Garry Alejano batok kay Presidente Rodrigo Duterte.
Sa interview sang Bombo Radyo Iloilo, ginpahayag ni Deputy Speaker Fredinil Castro nga subong nga panahon, ordinaryo na lang ang impeachment.
Gin-abusuran na ini suno sa kongresista, agud puhagon kag istorbohon ang mga nagapungko sa puwesto.
Dugang pa sini, kada bag-o nga presidente nga nagapungko, ginalauman na nga magpangatubang sang impeachment complaint, rason kun nga-a wala na ini ginasapak sang kongresista.