ILOILO CITY– Nagbalik ang mga obstruction sa dalan sa pila ka mga kabarangayan sa syudad sang Iloilo.
Sa interview sang Bombo Radyo kay Love Joy Hosenilla, pinuno sang Task Force on Anti Squatting and Ilegalk structures Unit, iya ginpahayag nga kalabanan sa mga obstructions ang ginalakipan sang tyangee, hayub-hayub, lamesa kag mga bangko.
Suno kay Hosenilla, ang mga problemado nga barangay pag-abot sa road clearing ang ginalakipan sang Barangay Bitoon, San Isidro kag Balabago Jaro Iloilo City.
Pahayag pa ni Hosenilla nagapasalamat siya nga mismo ang mga katapo sang Department Of the Interior ang Local Government ang nagpanglibot sa mga kabarangayan, bangud gilayun nga nahibaluan kun ano ang mga kakulangan, nga dapat hatagan sang atensyon.
Sa bahin naman sang mga nagaparking sa dalanon suno kay Hosenilla, wala sang parkingan ang mga nagapanag-iya sang mga salakyan, magluwas na gidlamang sa mga karsada kag barangay roads.
Dugang pa sang natungdan, nagapati siya nga sa masunod nga inspeksyon, magataas na ang grado nga ihatag sa mga kabarangayan.
