Gin-evacuate na ang tatlo pa ka pamilya nga nagapuyo sa kilid sang baybayon sa Barangay Calaparan, Arevalo, Iloilo City.
Sa interview sang Bombo Radyo kay Barangay Kagawad Rodrigo Montaño, iya ginpahayag nga indi magnubo sa 500 ka mga balay halin sa zone 10, 11, 12 kag 13 ang apektado sang mataas nga pagbalod sa baybayon.
Suno kay Montaño, yara na subong sa covered gym kag iban pa nga evacuation center ang pila ka pamilya sa ila barangay.
Pahayag sang opisyal, may mga pulis naman nga nagalibot sa ila lugar agud magbantay sang sitwasyon.
Ang pila ka mga balay nga ginwasak naman sang balod ang ginahulat nalang nga maanod.
