Padayon ang panawagan sang barangay officials sang Barangay Balabago, Jaro, Iloilo City sa mga pumuluyo nga indi na magpili sang brand sang COVID-19 vaccine.
Ini ang kasunod sang pagpamalibad sang iban sa pagpabakuna bangud ginapahayag nagapili sang brand sa ginpatigayon nga barangay-based COVID-19 vaccination subong nga adlaw, Agusto 30.
Sa interview sang Bombo Radyo kay Punong Barangay Edgar Araรฑador, iya ginpahayag nga may pila ka mga indibidwal nga nagpauli na lang matapos natukiban kun ano nga brand sang bakuna ang itublok sa ila.
Apang sa pihak sini, nagapasalamat man ang opisyal nga madamo sa gihapon ang nagpaidalom sa vaccination.
