ILOILO CITY – Indi mahimo makapangalagad ang pila ka Sangguniang Kabatan (SK) chairman nga nagdaog sa ginpatigayon nga barangay kag SK election.
Suno kay Atty. Thomas Valera, OIC regional director sang Comelec Regional Office 6, nakabaton sila sang mandu gikan sa Comelec central office nga ipaiway anay ang proklamasyon sang mga SK chairman nga naglapaw sa edad nga 25 anyos.
Dugang pa ni Valera, tungod sang indi pagproklamar sa mga natungdan nga nagdalaug sa pagka-SK chairman, sundon ang rule of succession.
Buot hambalon nga ang mga na-elihir sa una nga posisyon sang SK kagawad amo ang magapungko nga SK chairman.
Nahibaluan nga sa probinsya sang iloilo gindeklarar nga overage ang mga kandidato sang Baeangay GMTD, Sta. Barbara; SK kagawad sa Barangay Aglibacao, Calinog; isa man sa Alegre, Oton; Nalbugan sa Calinog, Iloilo, kag isa ka SK chairman sa Poblacion Ilawod, Calinog, Iloilo.