Gin-ako sang Iloilo City General Services Office (GSO) nga apektado ang pila ka mga tanom sa syudad bangud sa mataas nga heat index.
Sa interview sang Bombo Engr. Niel Ravena, Head sang General Services Office, iya ginpahayag nga kalabanan sa mga apektado amo ang santan sa center island sa Diversion Road, Mandurriao kag sa Iloilo esplanade.
Suno kay Ravena, plano sang talatapan nga islan sang bougainvillea ang nasambit nga tanom bangud ini ang wala na nagakinahanglan sang adlaw-adlaw nga pagpamunyag kaangay sang iban nga bulak.
Ginpahayag man sang natungdan nga mas nagapamulak ang bougainvillea kon ini ang stress kag wala mabunyagan.
Madumduman nga sang nagligad nga tuig, lakip ang mga royal palm trees nga una gintanom sa pila ka parte sang syudad ang may 100% succession rate nga nabuhi sa pihak sang nagatagiti nga init.
