Wala napunggan sang pila ka mga vendors sang Iloilo Central Market nga magpabutyag sang pagkadismaya kasunod sang delay nga paghuman sang merkado.
Sa interview sang Bombo Radyo kay Majalia Ignacio, fish vendor sang Iloilo Central Market, iya ginpahayag nga sugod sang ginsaylo sila sang pwesto bangud sa paghuman sang merkado, naghina na ang ila nga benta.
Suno kay Ignacio, naghina ang ila nga income subong nga tuig kon ikumpara sang nagligad nga tuig.
Ginpahayag man sini nga isa sa nakita niya nga rason kon ngaa wala na sang may gasulod sa ila are amo ang kakulangan ang parking area.
Gin-athag man sang natungdan nga naintindihan niya ang pagkay-o sang central market bangud para man sa ila ang proyekto, apang indi sini matago nga dako gid ang nagbag-o sa ila baligya-anay.
Una na nga ginpahayag sang Local Economic Enterprise Office nga ang Central Market ang yara na sa 68% natapos apang medyo na-delay bangud sa pagkuha sang mga materyales, kon sa diin possible nga sa Mayo na mabuksan.
