Nagpanindugan ang pila sa mga naaresto nga indibidwal sa Passi City nga wala sila nagpangamot agud nga magbutang sang tarpaulin sa atubang sang Passi City Hall.
Ini agud man i-claim ang duta sa pila ka posyon sang establisyemento.
Sa interview sang Bombo Radyo kay Jorge Marcelino, isa sa 17 ka mga gin-aresto, iya ginpahayag nga sila ang nagpati nga legal ang ila ginhimo nga pagtambong sa pagbutang sang tarpaulin kasunod man sa pagpasalig sa ila ni certain Basahan.
Suno kay Marcelino, ang ila pagkahibalo, legal kag okay lang ang ila tikang nga ginhimo sa amo nga city hall.
Wala naman naglaum ang natungdan nga sa presohan ang ila deretsohan kasunod sang amo nga hitabo.
Nahibaluan nga nakuha sang Passi City Police Station sa 17 ka mga indibidwal ang service vehicle, narecover ang pila ka mga calibre sang pusil kag bala: 1 ka ginapatihan 12-gauge shotgun kag mga bala, 2 ka 9 mm pistol, kag bala sang 45 calibre pistol.
Nagpaathag naman ang Passi City Police Station nga ang mga tinaga nga ginbuy-an sang mga naaresto nga indibidwal ang parte lamang sang ila defense mechanism.
Sa interview sang Bombo Radyo kay Police Colonel Atty. Benjo Clarite, Chief of Police sang Passi City Police Station, iya ginpahayag nga may mga witnesses nga nakakita sa mga indibidwal nga nagbayolar sang layi rason nga ginlupot sila sa presohan.
Suno kay Clarite, duha ka mga tarpaulin ang ila ginpatindog nga may distansya nga pulo ka metros.
Ginpasigurado man sang natungdan nga may ebidensya ang otoridad batok sa mga naaresto nga indibidwal.
Una na nga ginpahayag sang Passi PNP nga nagtipon ang mga indibidwal sa gwa sang city hall kag nagpatindog sang tarpaulin nga may nakasaad nga ginabanta masobra 50 ektaryas sang lupa nga ginatindugan sang nasambit nga establisyemento ang ginapanag-iyahan ni certain Baltazar Panisales Sr.
Posible nga magapangatubang sang mga kaso nga illegal possession of firearms, illegal assembly, direct assault, kag usurpation of real property ang mga indibidwal.
