Gin-umpisahan na sang Pilipinas kag Chile ang mga negosasyon para sa free trade agreement (FTA) para mas mapasangkad pa ang economic relations sang duha ka mga pungsod.
Ginsapubliko ini nanday Philippine Trade Secretary Ma. Cristina Roque kag Minister of Foreign Affairs sang Chile nga si Alberto van Klaveren.
Ang ila ginadiskusyunan amo ang Comprehensive Economic Partnership Agreement (CEPA). Ini nagalakip man sang key areas kaangay sang intellectual property rights, digital economy, MSMEs, environment, labor, trade kag gender, kag iban pa.
Ginaplano man ang dalagku nga benepisyo para sa Pilipinas kaangay sang mas maayo nga access sa key exports.
Nahibaluan nga naestablisar ang diplomatic relations sang Pilipinas kag Chile sang July 4, 1946. Sang 2023, ang Chile amo ang 49th trading partner sang Pilipinas (out of 230), 47th export market (out of 205), kag 50th import supplier (out of 221).
