ILOILO CITY- Ginakabalak-an sang Philippine Olympic Committee (POC) ang mas manubo nga tsansa sang Pilipinas nga maghakot sang gold medals sa 2025 Southeast Asian Games kun indi pagpamatian sang Thailand ang apelar nga ibalik ang weightlifting bilang isa sa mga events.
Nahibaluan nga gindula sang Thailand ang amo nga event nga dako kuntani ang potensyal nga maghatag sang gold medal para sa Pilipinas.
Suno kay POC president Abraham “Bambol” Tolentino, napadala na nila ang appeal sa Thailand.
Magluwas sa weightlifting, ginaapelar man nga ibalik ang wushu, jiu-jitsu, kag karate, nga amo ang mga events nga nagmadinalag-on ang mga Filipino athletes sang nagligad nga edisyon sang SEA Games.
Pahayag pa ni Tolentino, indi lamang ang Pilipinas ang nag-appeal kundi ang mayorya sang games members sa ginpatigayon nga SEA Games Federation meeting sa Bangkok sang nagligad nga weekend.
Suno sa chief official, yara lamang sa 40 ka sports ang i-feature sang Thailand.
Matandaan nga ang nasambit nga apat ka sports ang nangin liyabe agud makatipon ang Pilipinas sang walo ka gold medals sa nauna nga edisyon sang SEA Games sa Cambodia sang 2023.
