Ginalantaw nga maga-import ang Pilipinas sang mas madamo nga bugas subong nga tuig ipaanggid sa nauna na nga estimate nga ginpaguwa.
Sandig sa United States-Department of Agriculture — sa report nga “Grain: World Markets and Trade” — posible nga 3.9 million metric tons (MT) nga bugas ang pasudlon sa Pilipinas sa 2024 nga mas mataas sa nauna nga estimate nga 3.8 million MT nga amo ang ginsapubliko sang Enero.
Matandaan nga nagpirma ang Pilipinas kag Vietnam sang Memorandum of Understanding sa Rice Trade Cooperation kadungan sang state visit ni President Ferdinand ”Bongbong” Marcos Jr. sa Hanoi sang katapusan sang Enero.
Diri kag nagpasugot ang Vietnam nga sa lima ka tuig nga trade commitment agud magsuplay sang puti nga bugas sa pribado nga sektor sa Pilipinas.
Suno naman kay Agriculture Assistant Secretary and spokesperson Arnel de Mesa, ang adjusted rice importation estimates sang USDA sa Pilipinas ang posible nagbase sa mga pagpanghangkat nga dal-on sang El Niño nga ginalantaw nga magadugay tubtub sa tunga-tunga sang tuig.#
