Ginkoronahan nga Miss Planet International 2023 ang tiglawas sang Pilipinas nga si Maria Luisa Varela sa Koh Pich Theater sa Phnom Penh, Cambodia.
Ang 26-anyos nga entrepreneur halin sa Palawan amo ang labing-una nga Filipina nga nagdaog sa amo nga international pageant.
Nakuha man sini ang Social Media award.
Ang first runner up amo ang Zimbabwe; second runner up ang Japan; 3rd runner-up ang Vietnam; 4th runner-up ang Finland; 5th runner-up ang Latvia kag 6th runner-up ang Cambodia.
Sa Cambodia man mismo nag-umpisa ang Miss Planet International kag ang advocacy sini naga-focus sa environmental protection, multiculturalism, poverty, ethical economic progress, clean renewable energy, world peace, kag education.
Nangin kontrobersyal ini nga pageant sang 2022 bangud sa Uganda kuntani ini patigayunon sang Nobyembre apang bangud sa controversial incidents sa host organizers, nag-isol ang mga kandidata kag ginkanselar ang pageant.
Ang original representative sang Philippines amo si Binibining Pilipinas 2022 first runner-up Herlene Nicole Budol. ##
