ILOILO – Handa na ang Pilipinas sa Same-Sex union.
Ini ang personal nga panan-awan ni Father Marco Sulayao sang Iglesia Filipina Independiente kag chairperson sang Promotion of Church People’s Response (PCPR).
Sa interview sang Bombo Radyo kay Father Sulayao, iya ginpahayag nga wala siya sang may nakita nga problema diri bangud kinahanglan nga magpangibabaw ang pagrespeto kag pag-alalangay.
Dugang pa ni Sulayao, kinahanglan nga batunon ang Same-Sex Union bangud indi malipod nga naga-eksister ini sa subong nga panahon kag madamo na nga pungsod ang nagpahanugot nga himuon ini nga legal.
Sa pihak sini, gin-athag ni Father Sulayao nga ang iya panan-awan personal ang wala nagapatimaan nga ini man ang panindugan sang Iglesia Filipina Independiente.
