ILOILO CITY – Nagsaka pa ang pwesto sang Pilipinas sa listahan sang mga may pinakadako nga utang sa World Bank.
Suno sa annual report sang multilateral lender sa 2023, nagikan sa ikapito, nagsaka pa sa ikalima nga pwesto ang Pilipinas.
Pahayag pa sang bangko, ang Pilipinas ang may yara sang $2.336 billion ukon P130.2 billion nga approved loans sa International Bank for Reconstruction and Development nga kabahin sang World Bank Group.
Sang Enero, ginpahulam sang World Bank ang Pilipinas sang P33.9 billion agud nga suportahan ang financial sector sang pungsod kag ma-boost ang pandemic recovery.
Nag-utang man ang pungsod sang P10-billion nagikan sa World Bank para sa Philippine Multi-sectoral Nutrition Project nga may katuyu-an nga mapahagan-hagan ang pagkaputot sang mga kabataan.
Sang Hunyo, gin-aprubahan man sang lender ang P41.9 billion nga utang para sa paggasto sa pagpasanyog sang environmental protection kag climate resiliency reforms sang pungsod.
Nagpirma man ang Pilipinas sang P33.9 million loan deal agud nga ma-boost ang agriculture kag fisheries sector sa pungsod sang Hulyo para sa Philippine Rural Development Project Scale-Up program.
Humalin sang pagsugod sang COVID-19 pandemic, ang Pilipinas ang nagpangutang na sang dako nagikan sa local kag foreign lenders.
Sang 2019, ang pungsod ang wala nalakip sa top 10 borrowers nagikan sa World Bank.
Apang sang 2020, sang nag-igo ang pandemya, ang pungsod ang nangin ikaduha nga manug-utang sunod sa India.
Sang 2021, ang Pilipinas ang nagpanguna nga pungsod nga may madamo sang utang nga nagdangat sa P169.9 billion.
Ang borrowing trend ang nagpadayon nga naglab-ot sa bag-o nga record sang Agosto, 2023 nga nagdangat sa P14.35 trillion.
