Wala sang himuon nga sugar importation ang Pilipinas tubtub sa tunga-tunga sang 2025 bangud estable pa gihapon ang domestic supply kag bastante pa agud mahatag ang kinahanglanon sa pungsod.
Suno kay Agriculture Secretary Francisco Tiu-Laurel Jr., nalab-ot ini nga desisyon kasunod sang meeting kay Sugar Regulatory Authority (SRA) Administrator Pablo Luis Azcona.
“Administrator Azcona and I agreed that a decision on sugar importation could be delayed until after May, when the current harvest season ends,” suno kay Tiu Laurel.
“Our supply for both raw and refined sugar are stable and we are just beginning our harvest season so Secretary Tiu Laurel and I agreed that there will be no sugar imports until after harvest sometime in May or June,” pahayag naman ni Azcona.
Nag-umpisa ang current crop year sang Sept. 15 kag matapos sa Agusto sa masunod nga tuig.
Gin-report man sang SRA nga naghinay ang pagsugod sang latest harvest season.
Gina-angot ang total cane volume sa lower sugar content per ton of cane bangud sa El Niño nga rason kun ngaa gin-atrasar anay ang pag-harvest sang tubo para nga mag-gulang pa kag magsaka ang sugar content.
Ginalantaw nga ang sugar production sa crop year 2024-2025 ang magalab-ot sa 1.782 million metric tons nga mas manubo sang 7.2 percent ipaanggid sa figures sang nagligad nga tuig base sa nakasaad sa Sugar Order No. 1.
