ILOILO CITY – Indi na kinahanglan pa sang China nga i-recognize ang the Hague ruling nga nagkumpirma sang kinamatarong sang Pilipinas sa West Philippine Sea agud nga patuman sang Manila ang soberanya sa amo nga area.
Suno kay retired Senior Associate Justice Antonio Carpio, sa pagpatuman sang arbitral award, indi na kinahanglan sang Pilipinas ang consent sang China.
Ini bangud nga mismo sa arbitral award, ang Pilipinas ang ekslusibo nga maka-exploit sang national resource sa exclusive economic zone (EEZ) nga indi na kinahanglan nga intrahan sang iban nga pungsod.
Suno pa sa iya, imposible nga patihon sang China ang amo nga ruling.
Ini ang ginatawag gid lamang sang China nga isa ka papel bangud nga ginakabig nila ini nga null and void sa rason nga wala sila nagpasakop sa arbitration apang, ang position sang China ang ginbasura sang tribunal.
May yara naman sang pila ka mga opisyal sang gobyerno sang una kag sa subong nga nagsulit sang propaganda sang China nga wala nakaintindi sini.
Antes pa man ang arbitral award, may yara na sang legal question kun sin-o ang nagapanag-iya sang natural resources lakip na ang oil kag gas sa west Philippine sea.
