Ginapaabot nga indi na maabot sang Pilipinas ang target sini sa pagpasanyog sang ekonomiya sa ikatatlo nga sunod nga tuig sa 2025 matapos ang mas mahina sini nga performance sa ikatatlo nga quarter.
Ini bangud sang mga isyu nga gina-atubang sa korapsyon nga naga-apekto sa kumpiyansa sang mga konsumidor kag mga mamumugon.
Suno kay Department of Economy, Planning, and Development (DepDev) Secretary Arsenio Balisacan, nga malab-ot gid sini ang pinakanubo nga target nga 5.5% tubtob 6.5% nga ginhatag sang inter-agency Development Budget Coordination Committee (DBCC).
Nahibaluan nga ang paghinay sang ekonomiya nagakatabo samtang ang pungsod nagaatubang sang mga isyu sa korapsyon.
Sa karon nagahimo na sang nagkalain-lain nga imbestigasyon ang duha ka kapulungan sang Kongreso kaangot sa irregularidad sa paggasto sang pondo sa public works, kaupod ang imbestigasyon sang Independent Commission for Infrastructure (ICI), nga may mandato nga usisahon ang posibleng anomalya sa flood control projects.
