Nakatalana nga magpatigayon ang Pilipinas kag Japan sang isa ka loan agreement kun sa diin magapautang ini sang indi magnubo sa 600 billion yen ukon P230 bilyon sa pungsod.
Ini bilang pagpabakod sang madugay na nga economic partnership sang duwa ka pungsod suno sa Department of Finance.
Suno kay Finance Secretary Frederick Go, bag-o matapos ang fiscal year 2025 sang Japan, target sang Pilipinas nga pirmahan ang tatlo pa ka dugang nga importante nga financial agreements nga nagabalor sang 243.31 billion yen ukon P91.1 billion.
Suno sa Finance Department, humalin nga nag-umpisa ang Marcos administration, naka-rekord na sang 12 ka financing agreements ang Philippine government kaupod ang Japan.
Ginakonsidera man ang Japan bilang pinakadako nga provider sang Official Development Assistance (ODA) sang pungsod.
Humalin sang Diyembre 2025, naglab-ot na sa indi magkulang nga 13.96 billion US dollar nga kabilugan loan kag grant commitments halin sa Japan nga nagaserbe sa 33.54% nga kabilugan sang Official Development Assistance portfolio sang pungsod.
