Pirmado na sang Pilipinas kag United Arab Emirates (UAE) ang labing-una nga free trade agreement sa tunga sang duha ka pungsod.
Tuyo sang Comprehensive Economic Partnership Agreement (CEPA) nga mabuhinan ang taripa, mapasangkad ang market access para sa mga produkto kag serbisyo, madugangan ang pagsulod sang investments, kag makahatag sang dugang nga oportunidad para sa mga Pilipino sa UAE.
Ginsaksihan nanday President Ferdinand Marcos Jr. kag UAE President Sheikh Mohamed bin Zayed Al Nahyan ang pagpirma sang amo nga kasugtanan kadungan sang Abu Dhabi Sustainability Week.
Ang CEPA amo ang una nga free trade agreement sang Pilipinas sa isa ka pungsod nga yara sa Middle East.
Sandig sa inisyal nga mga pagtuon, paagi sa CEPA, mapataas ang exports sang Pilipinas sa UAE sang 9.13%.
Lakip sa export products nga ginalantaw nga magabenepisyo diri amo ang pinya, saging, canned tuna, electronics, machinery, kag iban pa nga high-demand products. Magabenepisyo man suno sa Malacañang ang IT-BPM, tourism, healthcare, education, construction, kag ang professional services sectors.#
 ang labing-una nga free trade agreement sa tunga sang duha ka pungsod.){kind=link}