ILOILO CITY – Liwat nga ginpasalig sang Pilipinas ang commitment sini nga magtrabaho upod sa Association of Southeast Asian Nations kag sa Canada agud nga mahatagan sang proteksyon kag ma-promote ang kinamatarong sang migrant workers pinaagi sa nagkalain-lain nga mga initiatives.
Gin-updan ni Presidente Ferdinand Marcos, Jr. ang iya kaangay nga mga lider nagikan sa Association of Southeast Asian Nations kag Prime Minister Justin Trudeau sang Canada para sa ASEAN-Canada Commemorative Summit.
Gin-abi-abi sang presidente ang nagapadayon nga suporta sang Canada sa ASEAN initiatives kaangay sang pagpatuman sang ASEAN Regional Plan of Action on Women, Peace and Security, kag subong man ang transformation efforts nga inclusive kag makahatag sang opurtunidad para sa mga kababainhan nga magpasakop sa development sang rehiyon.
Gin-imbitar man ni Marcos ang Canada nga suportahan ang ASEAN Centre for Biodiversity agud nga ma-preserve ang nagkalain-lain nga ecosystem sang rehiyon kag magadugang sang resilience batuk sa epekto sang climate change kag natural disasters kag mapunggan kag mahagan-hagan ang mga pamahog sang emerging and re-emerging infectious zoonotic diseases kag pandemics.
