Ginalauman ng ibaligya sang India sa Pilipinas ang mga short-range missiles sini subong nga tuig paagi sa isa ka kasugtanan nga nagabalor sang masobra $200 million.
Ini ang ikaduha nga major defense export contract sang India kaupod ang Pilipinas sa tunga sang nagapadayon nga tension batok sa China.
Ginatawag ini nga Akash missile system nga gin-develop sang defense research body sang India kun sa diin gilayon nga nagpabutyag sang interes diri ang Pilipinas.
Ini nga surface-to-air missile system nga may range sang tubtob sa 25 km (16 miles) ang na-export sa Armenia sang 2024 paagi sa $230-million deal apang mas mangin mahal naman ang presyo nga ibaligya sa Pilipinas.
Wala naman gindetalye ang numero sang missiles kalakip na ang accompanying systems kaangay sang radars
Ini nga deal amo ang kasunod man sang $375-million sale sang India sang mid-range BrahMos supersonic cruise missiles sa Pilipinas sang 2022.
