Maga-file ang Pilipinas sang panibag-o nga diplomatic protest batok sa China kasunod sang delikado nga aktwasyon sang Chinese Air Force nga nagbutang sa alang-alang sa safety sang mga personnel sang Philippine Air Force (PAF) nga nagapatrolya sa Bajo de Masinloc ukon Scarborough Shoal sang nagligad nga semana.
Suno kay Foreign Secretary Enrique Manalo, magatipon ang National Maritime Council subong nga semana agud nga madiskusyunan ang insidente kag makahimo sang nagakaigu nga lihok.
“Definitely, we will protest this latest move, coming at a time when things had calmed down a bit – and this suddenly happened. The President has come out very strongly on this and we will maintain that position,” suno kay Manalo.
Pahayag naman ni Defense Secretary Gilberto Teodoro Jr., dapat nga magsunod gid ang China sa international law kag indi na pagdabukan pa ang tension sa West Philippine Sea.
Indi pwede suno kay Teodoro nga indi na mag-file sang protesta bangud kun pabay-an ini, daw kaangay nga ginabaton na lang sang Pilipinas ang ginahimo sang Beijing.
Para pa sa tiglikom, indi na makakilbot ang pagdagdag sang Chinese aircraft sang flares samtang yara ang Philippine Air Force. Tikang ini sang China suno sa iya ilabi na bangud wala naga-untat ang Pilipinas sa pagpakigbato para sa sovereign rights sini sa West Philippine Sea.
“We cannot just let this go unanswered. If we do, it’s like acquiescing,” pahayag ni Teodoro.
“It’s prohibited to fly that close to another aircraft and deploy flares in its path. That is wrong. That maneuver was very dangerous, illegal and provocative,” suno naman kay Armed Forces of the Philippines chief of staff Gen. Romeo Brawner Jr.
Matandaan nga mangin si President Ferdinand “Bongbong” Marcos ang nagtawag nga “unjustified, illegal and reckless” ang ginhimo sang Chinese Air Force.
Nahibaluan nga ini nga insidente sa Bajo de Masinloc ang natabo matapos nga nagkitaay ang China kag Pilipinas para sa Bilateral Consultation Mechanism on the South China Sea (BCM) sang Hulyo 2 kun sa diin pareho nga nagpasalig ang duha ka nasyon nga panubuon ang tension sa amo nga teritoryo.
