Maga-import ang Pilipinas sang halos tunga sa milyon ka metriko tonelada sang refined sugar subong nga tuig.
Sa Sugar Order No. 08, series of 2024-2025 sang Sugar Regulatory Administration (SRA), gintugutan ang pagpasulod sang 424,000 MT sang imported refined sugar nga maga-abot sa Pilipinas halin sa Hulyo 15, 2025 tubtub sa Nobyembre 30, 2025.
Pahayag sang ahensya, ini nga sugar import program ang nagatuyo nga mapadayon ang “sufficient actual supply” sang kalamay para sa domestic consumption kag buffer stock.
Ang importers nga pahanugutan nga magpasulod sang required refined sugar volume amo lamang ang licensed international sugar traders nga may “good standing” amo man ang nakapartisipar anay sa sugar importation calls sang gobyerno kag ang nakapasakop man sa export sang raw sugar sa US agud malab-ot ang tariff rate quota.
Suno pa sa ahensya, ang imported refined sugar sa idalom sang latest order ang iga-classify nga “reserve” nga subject sa “future disposition or reclassification” nga pagatumuron sang SRA.
“Imported sugar classified under this SO shall only be stored in an SRA-registered warehouse or directly to the consumer’s warehouse as indicated in the importer’s application,” base pa sa nakasaad sa order sang sugar agency.
“However, the declared consumer’s warehouses must be pre-inspected to avoid co-mingling of imported sugar stocks and domestic sugar stocks,” dugang sini.
Una na nga gin-report sang SRA nga ang sugar production sa crop year 2024 to 2025, as of June 8, 2025, ang nagalab-ot sa 2.015 million MT. Mas mataas ini sang 4.7% halin sa 1.92 million MT sang crop year 2023-2024.
