Ginalantaw sang United States Department of Agriculture (USDA)nga magapabilin ang Pilipinas nga nagapanguna nga rice importer sa bilog nga kalibutan subong nga 2024.
Base sa report sang Economic Research Service sang amo nga ahensya nga napetsahan sang Enero 17, gina-project nga mas madamo pa gid ang procurement sang Pilipinas subong nga tuig.
Sa amo nga report, gina-project nga magasunod sa Pilipinas ang China, Indonesia, ang European Union, Nigeria, kag Iraq.
Septyembre 2023 sang nalapawan sang Pilipinas ang China sa nagapanguna nga mga pungsod nga naga-import sang bugas.
Suno naman sa Department of Agriculture-Bureau of Plant Industry, ang total imported rice sang Pilipinas sang 2023 ang nagdangat sa 3.567 million MT nga kalabanan naghalin sa Vietnam, Thailand kag Pakistan.
Sang Disyembre, nag-anunsyo man ang DA nga may 500,000 mt pa sang imported nga bugas nga ginalauman nga maabot sa Pilipinas sa Pebrero.
