Magapadala ang Pilipinas sang oxygen supply sa Indonesia agud mabuligan ang kaiping nga pungsod sa pagpakig-away batuk sa nagataas nga kaso sang COVID-19.
Ginpahayag ni Philippine Ambassador to Indonesia Leehiong Wee nga nagkitaay na sila ni Department of Trade and Industry Secretary Ramon Lopez sa plano nga pag-export sang oxygen tanks sa nasambit nga pungsod.
Suno kay Wee, tuman nga ginakulang kag tuman man ka mahal sang oxygen supply sa Indonesia.
Gin-athag niya nga indi ini donasyon kundi may yara sang Filipino company nga magabaligya sang supply sa kaiping nga pungsod.
Naga-antus subong ang Indonesia bangud sa madasig nga paglaton sang Delta variant nga una natukiban sa India.
Bangud sa nangin sitwasyon sang nasambit nga pungsod, nag-anunsyar ang Pilipinas nga i-ban ang mga travelers halin sa Indonesia agud malikawan ang paglapta sang amo nga variant.
