Isa gid ka madinalag-on nga adlaw para sa Pilipinas ang Oktubre 2 sa nagapadayun nga 2026 Asian Games matapos nga nakakuha sang anum ka medalya ang mga tiglawas sang pungsod sa isa lang ka adlaw sa nasambit nga major international multi-sport event.
Nakuha ni Kaila Napolis ang bronze medal sa women’s -52kg event sa patag sang Jiu Jitsu kag nakabulsa man sang kaangay nga medalya ang Alas Pilipinas duo sa women’s beach volleyball nga sanday Khylem Progella kag Sofiah Pagara.
Tatlo man ka Silver medalists ang narekord sa Pilipinas kahapon nga adlaw.
Isa na diri ang Olympic silver medalist nga si Carlo Paalam sa men’s boxing -55kg; Tachiana Mangin sa Women’s-48kg Taekwondo event, kag si Kurt Barbosa sa men’s -58kg Taekwondo.
Nadugangan man sang panibag-o nga gold medalist ang Pilipinas matapos ang nangin kadalag-an ni Jeus Gabriel Derick Yape sa mixed individual virtual taekwondo event.
Ka-Bombo, padayun lang sa pagbantay sang mga updates sa nagahingapos na nga Asian Games 2026 kun sa diin padayun man nga nagatinguha ang mga Pinoy athletes nga makakuha sang dugang nga mga medalya.
