Nagsaka na sa 119 ang kabug-usan nga numero sang Delta variant sang COVID-19 sa Pilipinas matapos nadugangan sang 55 new cases.
Suno sa Department of Health, sa 55 ka new cases, isa ang napatay kag nakarecover na ang 54.
37 diri ang local cases, 17 ang Returning overseas Filipinos (ROF), kag isa ang gina-verify pa sang otoridad.
Ang 37 nga local cases ang nagikan sa Calabarzon, Northern Mindanao, Metro Manila, Central Luzon, Davao Region, kag Ilocos Region.
Kun pahat-pahaton ang 119 ka total cases sang Delta variant sa Pilipinas: 12 ang ginclassify sang DOH nga active cases, 103 ang recovered, kag apat ang napatay.
