Magapadala ang Pilipinas sang 1,233 ka delegates sa 32ndSoutheast Asian Games (SEAGames) sa Cambodia sa Mayo 5-17.
Suno kay Philippine Olympic Committee (POC) President Bambol Tolentino, 905 diri ang athletes kag 257 ang officials.
May 608 ka sports event sa Cambodia kun sa diin 38 ang first time nga himuon sa amo nga biennial event. Kumpirmado man nga maga-compete ang Pilipinas sa tanan nga sports sa amo nga pungsod.
Mas daku ang delegasyon sang pungsod subong nga tuig ipaanggid sa 656 ka atleta nga ginpadala sa Hanoi, Vietnam sang nagligad nga tuig kun sa diin nagpang-apat ang Pilipinas matapos naghakot sang 52 ka gold medals, 70 ka silver, kag 104 ka bronze medals.
Natalana sa Abril 15 ang pormal nga sendoff ceremony sang Team Philippines sa Philippine International Convention Center. ##
