Nagsaka na sa walo ang active cases sang mpox ukon monkeypox sa Pilipinas matapos na-detect ang tatlo ka panibag-o nga mga kaso.
Suno sa Department of Health (DOH), ang duha ka dugang nga kaso ang naghalin sa Metro Manila samtang isa naman ang sa CALABARZON.
Tanan ini ang nagpositibo sa MPXV clade II nga isa ka matahaw nga porma sang mpox virus.
Kun basehan ang total mpox caseload sa Pilipinas halin sang Hulyo 2022, yara na ini subong sa 17 apang siyam na ang naka-recover halin pa sang 2023.
Suno sa DOH, ang cases 15 and 16 ang may anonymous sexual encounters sa masobra isa ka partner, samtang si case 17 naman ang may close, skin-to-skin sexual contact sa isa pa ka persona nga may sintomas man sa panit.
Napahibalo naman sang DOH ang local government units (LGUs) kun sa diin na-detect ang tatlo ka bag-o nga mga kaso.
Ang masami sintomas sang mpox amo ang skin rash ukon mucosal lesions nga nagalawig sang duha tubtub apat ka semana kag gina-updan pa sang hilanat, sakit sang ulo, muscle aches, back pain, low energy, kag swollen lymph nodes.
