Ginpanugyan sang International Monetary Fund (IMF) sa gobyerno sang Pilipinas ang pag-restart sang investments agud makarekober sa pre-pandemic growth ang ekonomiya sang pungsod.
Suno kay Yongzheng Yang, IMF representative to the Philippines, mahimo nga mangin permanente na ang pagsarurot sang ekonomiya bangud sa impact sang COVID-19 pandemic apang may pamaagi pa agud mabatak ang pre-pandemic growth rates.
Pahayag ni Yang, nagakadapat nga gamiton maayo sang gobyerno ang Corporate Recovery and Tax Incentives for Enterprises (CREATE) Act.
Ang liyabe suno sa iya agud nga mabuhi ang investment return sa pre-pandemic high level growth amo ang ma-maintain ang momentum sang reform kag mapabaskog ang pagpatuman sini.
Magluwas diri, nagakadapat man suno sa iya nga panubuan ang restrictions sa foreign direct investments (FDI).
