Nakasulod na naman ang Pilipinas sa lista sang mga pungsod kun sa diin ginapangpatay ang journalists apang wala man nagakadagdagan sang silot ang mga suspek.
Base sa Committee to Protect Journalists 2024 Global Impunity Index Rankings, nagapang-siyam ang Pilipinas nga nagasunod sa Mexico kag Iraq, samtang ang Haiti, Israel, kag ang Palestinian Territory ang yara naman sa Top 2.
Suno sa index rankings, may yara sang 18 ka unresolved murders sang journalists sa Pilipinas.
17 ka tuig na nga yara sa amo nga lista ang Pilipinas kag ini kag ang kaiping sini nga pungsod Myanmar amo lamang ang Southeast Asian countries nga sulod sa 13-item rankings.
Pahayag sang report, kada tuig gid nga yara sa listahan ang Pilipinas halin sang 2008 kag masami nga yara sa No. 1 ukon No. 2 spot, kag tubtub subong, wala gihapon sang nahatag nga hustisya sa 32 ka reporters kag media workers nga napatay sa Maguindanao massacre 15 ka tuig na ang nakaligad.
Suno sa CPJ, may yara sang impunity kun ang mga tawo ukon ang pungsod ang wala nakapanabat sa pagpatay sa mga biktima nga journalists.
Nahibaluan nga ang National Union of Journalists of the Philippines ang naka-monitor sang at least 23 media workers nga napatay sang tion sang Duterte administration samtang apat naman sa idalom sang current Marcos administration.
Lakip man sa nakasulod sa lista subong nga tuig amo ang Somalia (nine unsolved murders), Syria (11), South Sudan (five), Afghanistan (18), Iraq (11) kag Mexico (21). Nagasunod sa Pilipinas kag Myanmar amo ang Brazil (10), Pakistan (eight) kag India (19).
Ini nga rankings ang nagkonsiderar man sang populasyon sang pungsod nga proportion sa numero sang unsolved murders.
