Plano sang Pilipinas nga magdugang sang P15.6 billion nga loan sa Asian Development Bank (ADB) agud gamiton nga pondo para sa COVID-19 vaccines nga posible mangin available na sa 2021.
Suno kay Asian Development Bank country director for the Philippines Kelly Bird, nagapakig-angot sila sa Department of Finance kag Department of Health agud ma-finalize ang loan package.
Suno pa kay Bird, pwede pa ma-extend ang vaccine procurement loan sa $500 million ukon P24 billion kag mahimo mangin available paagi sa Asia Pacific Vaccine Access Facility (APVAX) sang Asian Development Bank.
Gin-athag man sang Asian Development Bank nga wala sang isyu kun makabayad ang Pilipinas sa natalana nga petsa ukon indi.
Una diri, ginpasalig man ni Vaccine czar Secretary Carlito Galvez Jr. nga posible mahitso na ang contract sang pungsod sa vaccine manufacturers nga Novavax kag AstraZeneca antes matapos ang tuig 2020.
Paagi sini, ginalauman nga malab-ot ang 60-million vaccine distribution target sang Pilipinas sa 2021.
