Opisyal na nga nagbalik sa international rice market ang Pilipinas matapos nga nagtakop na ang apat ka bulan nga import ban sa bugas nga nag-umpisa sadtong Septyembre 2025.
Apisar sini, nagapabilin sa 15% ang taripa nga gina-apply para sa imported rice. Kinahanglan pa nga i-formalize ang implementasyon sang mas mataas nga taripa nga 20%.
Sa guidelines nga gin-isyu sang Bureau of Plant Industry (BPI) sa resumption sang rice importation, pahanugutan lamang nga makasulod ang importasyon sang bugas paagi sa 17 ka mga pantalan sa bilog nga pungsod.
Lakip diri ang Subic, Batangas, Manila International Container Port, Port of Manila, Cebu, Cagayan de Oro, Iligan, Davao, General Santos, Tacloban, Tabaco in Albay, Zamboanga, Bacolod, Iloilo, Tagbilaran, Dumaguete kag ang Calbayog.
Dapat nga makasulod ang bugas sa Pilipinas sa sulod sang 60 ka adlaw halin sang gin-isyu ang ila nga sanitary kag phytosanitary nga import clearance.#
