𝗠𝗔𝗡𝗜𝗟𝗔, 𝗣𝗛𝗜𝗟𝗜𝗣𝗣𝗜𝗡𝗘𝗦 —Nagpangayo ang Pilipinas sa United Nations (UN) nga kilalahon ang kinamatarong sang pungsod nga palapadon ang boundary sang West Philippine Sea tubtob sa nasakopan sini.
Suno sa Department of Foreign Affairs (DFA), paagi sa Philippine Mission to the UN, nagpasa sila sang impormasyon sa United Nations (UN) Commission on the Limits of the Continental Shelf (CLCS) nga i-rehistro ang titulo sang Pilipinas bilang extended continental shelf (ECS) sang nakatundan sang Palawan Region sa West Philippine Sea (WPS).
Nakasaad sa Article 76 sang UN Convention on the Law of the Sea (UNCLOS) nga ang Pilipinas ang entitled nga makatukod sang outer limits sang kaugalingon nga continental shelf lakip ang seabed kag subsoil nga sakop sang submarine areas nga naga-extend halin 200 nautical miles (NM) apang indi maglapaw sa 350 NM halin sa baselines kun sa diin nasukol ang territorial seas.
Nahibaluan nga ang pagpanindugan sang Pilipinas sa teritoryo ang nagdala sang mas agresibo nga akto sang Chinese vessels batok sa Filipino nga manugpangisda nga naghakot man sang nanari-sari nga pagpakamalaut sang iban nga nasyon batok sa China.
Ini na ang ika-duha nga tinion nga nagpasa ang Pilipinas sang entitlement sa extended continental shelf (ECS),sa diin, para kay Department of Foreign Affairs Assistant Secretary for Maritime and Ocean Affairs Marshall Louis Alferez, nga isa ka deklarasyon indi lang para sa maritime entitlement sang Pilipinas sa idalum sang UNCLOS, apang isa ka tikang bilang isa ka responsible nga aplikasyon sang insakto nga proseso.
Gin-athag man sang natungdan nga ang tikang ang isa ka akto agud sekyaron kag kilalahon ang soberanya, kinamatarong, kag hurisdiksyon sang Pilipinas sa West Philippine Sea.
