𝗠𝗔𝗡𝗜𝗟𝗔 —Nagpanawagan ang Pilipinas sa Beijing nga mag-untat sa paghimo sang mga akto nga nagabutang sa katalagman sang kaluwasan sang mga sakayan kag eroplano sang Pilipinas matapos nga bag-o lang gin-deploy ang mga flare halin sa China-occupied Subi (Zamora) Reef sa West Philippine Sea.
Sa isa ka pahayag, ang National Task Force for the West Philippine Sea (NTF-WPS) nagsiling, nga hugot nga ginasulit ang panawagan sa gobyerno sang People’s Republic of China (PRC) nga gilayon untaton ang tanan nga provocative kag delikado nga mga akto nga nagapamahog sa kaluwasan sang mga sakayan sang Pilipinas kag mga eroplano nga nagahimo sang lehitimo kag regular nga mga hilikuton sa sulod sang teritoryo sang Pilipinas kag Exclusive Economic Zone (EEZ) kag ang kinamatarong sang tanan nga mga sakayan kag eroplano nga nagagamit sang kahilwayan sa paglayag kag paglupad sa South China Sea.
Dugang sini, nga ang amo nga mga pagpang-atake ang nagaguba sang kalinong kag seguridad sa rehiyon, ilabi pa nga nagaguba sang imahe sang People’s Republic of China sa internasyonal nga komunidad.
Ginkumpirmar sang NTF-WPS ang insidente sang Agosto 22, nga nagasiling nga indi makatarunganon nga gin-deploy gikan sa Zamora Reef bangud ang BFAR legal nga nagapatigayon sang maritime domain awareness flight.
Ginpahayag sang NTF-WPS nga ang Bureau of Fisheries and Aquatic Resources (BFAR) aircraft nga isa ka Cessna 208B Grand Caravan sa koordinasyon sang Philippine Coast Guard (PCG) ang naga-monitor kag naga-intercept sa mga poachers nga naga-encroach sa Exclusive Economic Zone (EEZ) sang Pilipinas kag sa territorial seas sang maritime mga bahin nga nagabug-os sang Kalayaan Island Group.
Ang NTF-WPS nagsiling nga ang Pilipinas nagapabilin nga malig-on sa paggamit sang iya mga kinamatarong sa pagpabakod sang ihibalo sa maritime domain sa sulod sang aton soberano nga teritoryo, pungsodnon nga kahanginan, kag EEZ, subong man sa mataas nga kadagatan, nga santo sa United Nations Convention on the Law of the Sea (UNCLOS) kag ang 2016 Arbitral Award.
