Nagpatigayon sang maritime exercises ang mga miyembro sang Philippine Coast Guard kag Bureau of Fisheries and Aquatic Resources (BFAR) sa West Philippine Sea samtang yara ang presensya sang Chinese vessels.
Suno sa PCG, gingamit ang walo ka mga capital ships agud mapabaskog pa ang navigation, small boat operations, maintenance, kag logistical operations.
Suno kay PCG spokesperson Commodore Armando Balilo, nag-umpisa na sang Sabado ang training para sa BRP Gabriela Silang kag BRP Sindangan.
Ang BRP Cabra naman, BRP Malapascua kag BFAR Vessels ang nagpatigayon na sang exercises halin sang nagligad nga semana sa Pag-asa Island.
Magluwas diri, maga-train man ang mga barko sa Batanes Group of Islands, Benham Rise, kag sa southern and eastern portions sang pungsod.
Kabahin ini suno kay Balilo sang pagsigurado sang Pilipinas sang maritime jurisdiction.
Una diri, sang Byernes, nag-file ang Pilipinas sang duha ka panibag-o nga diplomatic protests batok sa China bangud sa pagpamalibad sini nga maghalin sa exclusive economic zone sang pungsod Pilipinas.
