ILOILO CITY – Nakahanda ang Pilipinas nga mag-tap sa $500 million ukon P27.67 billion nga development policy loan nagikan sa lending arm sang World Bank nga para sa natural disasters kag health crisis.
Suno sa Department of Finance, gin-aprubahan sang Board of Executive Directors sang World Bank ang development policy loan para sa pungsod sang Nobyembre 16.
Ang Philippines Disaster Risk Management and Climate Development Policy Loan ang gastuhan sang lending arm sang World Bank, kag sang International Bank for Reconstruction and Development.
Ini ang ginalakipan sang Catastrophe Deferred Drawdown Option kun sa diin ang pondo ang mangin available for disbursement sa tion nga ideklarar sang presidente ang state of calamity bilang sabat sa isa ka kalamidad ukon public health emergency.
Ang full amount sang facility ang mangin available sa sulod sang tatlo ka tuig.
Base sa 2023 World Risk Index, ang Pilipinas ang lakip sa mga most at-risk countries sa exposure sang natural disasters.
Sa latest nga data nagikan sa Bureau of the Treasury, may yara na sang P14.27 trillion nga utang ang Pilipinas sa katapusan sang Setyembre.
