ILOILO CITY – Nagsanyog ang ekonomiya sang Pilipinas kun ipa-anggid sa target sang 2022.
Ini matapos nga naglab-ot sa 7.2 percent ang gross domestic product growth sa ulihi nga quarter.
Ang 7.6 percent nga pagsaka sang gross domestic product sa 2022 ang naglapaw pa sa 6.5 tubtob 7.5 percent nga target nga gin-set sang mga economic managers kag ang median analyst forecast nga 6.8 percent.
Ini man ang makabig nga pinakamadasig sa bilog nga kalibutan suno sa National Economic and Development Authority.
Suno kay Socioeconomic Secretary Arsenio Balisacan, nalapawan sang Pilipinas ang 5.9 percent sang Vietnam kag 2.9 percent sang China.
Sa third quarter, ang economic growth sang pungsod ang nagdangat man sa 7.6 percent.
Suno sa Philippine Statistics Authority, ang industry kag services sectors amo ang nagpasanyog sa ekonomiya sa fourth quarter.
Apang, ang agriculture, forestry, kag fishing sectors ang nagnubo sang -0.3 percent.
