𝗠𝗔𝗡𝗜𝗟𝗔 —Natalana ang Pilipinas nga maggasto sang dugang pa nga utang subong nga tuig bangud sa mga loans nga nahimo sa tion sang pandemya sang COVID-19 kag ang pagnubo sang balor sang Philippine peso.
Suno sa Department of Budget and Management (DBM), sa idalum sang ginaduso nga National Expenditure Programme (NEP), ang Pilipinas natalana nga maggasto sang P876.7 billion para sa debt payments sa masunod nga tuig nga nagalab-ot sa 13.8% sang P6.352 trillion nga budget nga ginpain sang gobyerno.
Santo pinakaulihi nga datos sang Bureau of the Treasury (BTr), nagapakita nga ang wala pa mabayran nga utang sang gobyerno naglab-ot sa P15.347 trillion sang katapusan sang Mayo, 2.2% ukon P330.39 billion nga mas mataas sangsa P15.017 trillion sang Abril.
Ang Pilipinas natalana nga magasto sang P848.061 billion para sa interest payments subong nga tuig, mas mataas gikan sa P670.525 billion subong nga tuig, kaupod ang P7.068 million nga balor sang bank charges.
Samtang, ang P6.352 trillion nga badyet para sa 2025 nagapakita sang 10.1% nga pagtaas kada tuig gikan sa P5.768-trillion nga badyet para sa 2024, kag katumbas sa 22.1% sang gross domestic product sang pungsod.
Opisyal man nga ginsumiter ang National Expenditure Programme sa Kongreso sang Lunes, sa diin P2.121 trillion ang magakadto sa social services, P1.853 trillion ang magakadto sa serbisyo pang-ekonomiya, P1.083 trillion ang magakadto sa general public services, P1419.3 billion para sa defense, kag P876.7 billion sa utang.
