Pirmahan na subong nga adlaw ang tripartite agreement sa diin makabakal ang gobyerno sang 2 million doses sang COVID-19 vaccines gikan sa AstraZeneca sang United Kingdom.

Suno kay vaccine czar Carlito Galvez Jr., kun mapirmahan na ang kasugtanan, may yara gilayon sang expanded partnership ang pampubliko kag pribado nga sektor.

Gin-athag ni Galvez nga indi mahimo nga i-replicate ang tripartite agreement sa iban nga bakuna.

Pahayag niya, maayo ang katuyuan ang United Kingdom kag sang AstraZeneca bangud sa ginaduso sini nga mangin patas ang access sa bakuna kag non-profit ang negosasyon.

Kun may yara pa sang kompaniya nga magtanyag sang mas manubo nga presyo suno kay Galvez, handa ang gobyerno nga baklon ini.

Lakip sa mga nagapanguna sa pagdevelop sang bakuna amo ang Pfizer, Moderna kag Sputnik V sang Russia nga lunsay nagpahayag nga masobra 90 porsiento nga epektibo ang ila nga produkto.