MANILA– Plano sang Pilipinas nga magpatigayon sang 30,000 ka Coronavirus Disease 2019 (COVID-19) tests per day antes matapos ang bulan sang Mayo.
Suno kay National Task Force on Covid-19 chief implementer Carlito Galvez Jr., ang iya grupo ang nagahimo na sang paagi agud mas mapadasig ang proseso sang accreditation, proficiency testing kag training sang health workers nga magadumala sang testing facillity.
Ginpahayag ni Galvez nga sa maabot nga Mayo 15, ginabanta 15,000 ka COVID-19 test sa tagsa ka adlaw ang pagahimuon sa paglaum nga mapanubo ang kaso sang virus sa pungsod.
Dugang pa sang natungdan, importante ang testing bangud ini ang ginhimo sang Vietnam, South Korea kag Germany agud indi maglawig ang lockdown.
